ဘုရားဟော ပိဋကတ်တရားတော်များဟာ သိပ်နက်နဲတယ်။ သိပ်ခက်ခဲတယ်လို့ကျမ်းစာတွေမှာ ဖော်ပြထားပါတယ်။
နက်နဲ့ခြင်းက လေးမျိုးရှိတယ်။
ဓမ္မ-ပါဠိအနေအထား ဘာသာစကားအနေအထား အကြောင်းတရားအနေနဲ့ သိနိုင်ဖို့နက်နဲတယ်။ခက်ခဲတယ်။
အတ္ထ-အနက်အဓိပ္ပါယ်သဘောတရား အကျိုးအားဖြင့်လဲ သိနိုင်ဖို့နက်နဲတယ်။ ခက်ခဲတယ်။
ဒေသနာ-ဟောကြားပုံအခြင်းအရာ အတိမ်အနက် ဘုရားရှင်ရဲ့ အလိုတော်အားဖြင့်လည်း သိဖို့ နက်နဲတယ်။ ခက်ခဲတယ်။
ပဋိဝေဓ- နက်ရှိုင်းစွာထိုးထွင်းနားလည်နိုင်ဖို့ သိမြင်တတ်ကျွမ်းဖို့ နက်နဲတယ်။ခက်ခဲတယ်။
နက်ရှိုင်းတဲ့ တရားတော်များကို နက်ရှိုင်းတဲ့ဥာဏ်ပညာရှိမှ သိနိုင်မယ်။ နားလည်နိုင်မယ်။
ဥပမာဘာနဲ့ တူသလဲဆိုရင်
ပင်လယ်နက်ထဲကို ယုန်သူငယ်တွေ ခုန်ဆင်းမိ၇င် ထောက်တည်ရာမရနိုင်သလိုပဲတဲ့။ ဥာဏ်ပညာနုံ့နဲ အသိဥာဏ်မွဲတဲ့သူတွေဟာလဲ ဘုရားဟော ပိဋကတ်တော်များကို မသိနိုင်ဘူး။ နားမလည်နိုင်ဘူးတဲ့။ ပရိယတ်ကျမ်းစာတွေမှာတောင် နားမလည်နိုင်ရင် ပဋိပတ်အကျင့်မှန်ကျင့်ဖို့ ပိုလို့ မလွယ်ပါဘူး။ အကျင့်မှန်မှ အသိဥာဏ်ထူးရရိုးဖြစ်တော့ မဂ်ဖိုလ်နဲ့လဲ ဝေးပြန်ရောပေါ့။
ဒါနဲ့ ပတ်သက်ပြီးတွေးမိတာက..
လာကီပညာရပ်တွေမှာတောင် သင်တိုင်းတတ်တာမဟုတ်။ သင်သူတိုင်း ထိုးထွင်းနားလည်တတ်ကြတာမဟုတ်။ ပညာသင်ခွင့်လဲ လူတိုင်း ရရှိကြတာမဟုတ်။ နွားကျောင်းသားက ကွန်ပျူတာ ဆော့ဖ်ဝဲပညာရှင် ဖြစ်ဖို့ ခဲယဉ်းသလို
လှည်းသမားဟာလဲ လေယာဉ်ပျံတည်ထွင်နိုင်ဖို့ အခွင့်အရေးမရှိတတ်ပါဘူး။
တစ်ချို့ ချမ်းသာသော မိဘများရဲ့ သားသမီးများဟာ ကျောင်းကောင်းကောင်းမှာ ဆရာကောင်းကောင်းနဲ့ ပညာသင်ခွင့်ရကြပေမဲ့ လိုအပ်တာထက် ပိုမို နိမ့်ကျ ညံ့ဖျင်းနေကြတာကို တွေ့မြင့်နိုင်ပါတယ်။
ဆိုလိုရင်းက ပိဋကတ်ကျမ်းစာများကို လွယ်တယ်။ တိမ်တယ်။ နားလည်တယ် ဟု မထီလေးစား သေးနုပ်သော စိတ်ထားများ မဖြစ်သင့်ပါကြောင်း၊ သိမြင်နားလည်ရန်၊ နက်နဲစွာ ထိုးထွင်းသိမြင်ကြရန်၊ ရိုးသားသော ဖြူစင်သော တည်ကြည်သော
လေ့လာသင်ယူသူများဖြစ်ရန် ကြိုးစားသင့်ပါကြောင်း အတွေးမြစ်စီးဆင်းမိပါတယ်။
No comments:
Post a Comment