ဘုရားပန်း

ဘုရားပန်းလှူပြီး နတ်ပြည်ရောက်တာတွေ အများကြီးဖတ်ဖူးပါတယ်။ သုမနပန်းသည်ဆိုတာကတော့ ထူးထူးခြားခြား ဘုရားပန်းလှူတဲ့သူပေါ့။ ဘုရင့်ကိုဆက်သမယ့်ပန်းကို အသက်စွန့်ပြီး မြတ်စွာဘုရားကို လှူလိုက်တာ။ ဘုရင်က ပန်းမရလို့ သတ်ချင်လဲ သတ်ပစေဆိုပြီးတော့ အသက်စွန့်ခဲ့တာ။ သူ့မိန်းမကတော့ မင်းဒဏ်သင့်မှာစိုးပြီး ရှင်နဲ့ ကွဲပြီ။ ရှင်လုပ်တာ ရှင်ပဲ ရှင်းတော့ဆိုပြီး ထွက်သွားခဲ့တယ်။ ဘုရင်က သိတော့ လေးစားလွန်းလို့ ဆုတော်လာဘ်တော်တွေ ပေးတယ်။ အသက်စွန့်ပြီး ဘုရားကို ပန်းလှူခဲ့လို့ ကမ္ဘာတစ်သိန်းအပါယ်မကျဘူး။ သုမနအမည်ရတဲ့ ပစ္စေကဗုဒ္ဓါအရှင်မြတ်တစ်ပါးဖြစ်တော်မူလိမ့်မယ်။ လူတိုင်းဟာ လောဘရဲ့ အလိုတော်ကျ တသွေမတိမ်းလိုက်ပြီး လုပ်နေကြတာများပါတယ်။ လောဘကို တွန်းလှန်ရဲတဲ့သတ္တိဆိုတာ လူတိုင်းမှာ မရှိနိုင်ပါဘူး။ သုမနပန်းသည်ကတော့ သူ့ရဲ့ လောဘကို အသက်နဲ့လဲပြီး တွန်းလှန်ပုန်ကန်ခဲ့တာပါ။ ဘုရားတည်ကျောင်းဆောက်ကုသိုလ်မဟုတ်ပေမယ့် သူ့ရဲ့ စေတနာသဒ္ဓါတရားနဲ့ ဥာဏ်ပညာအားကြီးမားခဲ့လေတော့ အကြီးတရားလဲ အံ့မခန်းကြီးမားခဲ့ပါတယ်။ လူတိုင်းဟာ သုမနပန်းသည်လို ကိုယ့်စေတနာ သဒ္ဓါ ဥာဏ်ပညာများများရှိအောင်ကြိုးစားပြီး ဘုရားတရားသံဃာနဲ့ဆက်စပ်တဲ့ကုသိုလ်တွေ လုပ်နေကြရင် ဘယ်လောက်များကောင်းလေမလဲ။

>>>ဆက်လက်ဖတ်ရှုရန်>>> >>

ကံစေတနာ

ကံဆိုတာ စေတနာပဲလို့ စေတနာဟံ ဘိက္ခဝေ ကမ္မံ ၀ဒါမိ။ စေတယိတွာ ကမ္မံ ကရောတိ ကာယေန ၀ါစာယ မနသာဆိုတာကို ထောက်ထားပြီး ပြောနေကြပါတယ်။
အထက်ပါပါဠိရဲ့ ဘာသာပြန်ကတော့ စေတနာဟာ ကံပဲ။ ကိုယ်နှုတ်စိတ်တွေနဲ့ စေ့ဆော်ပြီး ကံလုပ်နေကြတာပေါ့တဲ့။
ဆိုတော့ စေတနာဟာကံပဲ။ ကံဖြစ်ရာအရပ်တွေက ကိုယ်နှုတ်စိတ်ပဲလို့ ဆိုလိုတာလား။
ဆက်ပြီးမေးစရာရှိတာက စေတနာပဲ ကံမည်တာလားဆိုတော့
စေတနာပဲ ကံမည်တာ မဟုတ်ပြန်ဘူး။ တခြား တရားပေါင်းများစွာလဲ ကံမည်နိုင်သေးတယ်။ ကံလေးမျိုးလေးလီဆိုတာနဲ့ပတ်သက်ပြီး အမည်းကံ အဖြူကံ အမည်းအဖြူရောတဲ့ကံ မမည်းမဖြူကံဆိုတာထဲမှာတော့ အကုသိုလ်စေတသိက်တစ်ချို့နဲ့ မဂ်ဂင်ရှစ်ပါး ဗောဇ္ဈင် ၇ပါးအစရှိတဲ့တရားတွေလဲ ကံအမည်ရနိုင်သေးတယ်လို့ ဆိုထားတယ်။
အဲဒီကံဆိုတာတွေဟာ ဘယ်မှာတည်ရှိသလဲဆိုတော့ သစ်ပင်တစ်ပင်ရဲ့သီးတတ်တဲ့သဘောလိုပဲ ဘယ်မှာတည်ရှိတယ်ဆိုတာ အတိအကျမပြောနိုင်ဘူးတဲ့။
ကံအကျိုးပေးတာကတော့ ၀ိပတ္တိလေးပါး သမ္ပတ္တိလေးပါးလိုက်ပြီး အကျိုးပေးတာပါတဲ့။
ကံရှိနေသရွေ့ ဘ၀တွေရနေမှာဖြစ်တယ်။ အိုနာသေမလွတ်နိုင်သေးဘူး။
ကံကုန်ရင် ဘ၀ကုန်မယ်။ ကံကုန်ချင်ရင် ၀ိပဿနာဥာဏ်နဲ့ ကံအသစ်မဖြစ်အောင်လုပ်ပြီးတော့ မဂ်ဥာဏ်နဲ့ ကံကိုသတ်မယ်။ ဒါဆိုရင် နိဗ္ဗာန်ကို ရမယ်။
 

>>>ဆက်လက်ဖတ်ရှုရန်>>> >>

မနက်ခင်း

မနက်ခင်းပဲဖြစ်ဖြစ် နေ့ခင်းညနေခင်းပဲဖြစ်ဖြစ် ကောင်းတာတွေလုပ်ဖို့ ကောင်းတာတွေပြောဖို့ အကြံကောင်းတွေကြံစည်ဖို့လိုအပ်တယ်။ စိတ်ပါလက်ပါအပြုအမှုတိုင်းဟာ သက်ရောက်မှုရှိတာဆိုတော့ ကံသုံးပါးကောင်းမွန်နေဖို့လိုတယ်။ ကံဆိုးလိုက်တာ ကံကောင်းလိုက်တာဆိုတာ ကိုယ်တိုင်စိုက်ပျိုးစားသုံးရတဲ့သစ်သီးမျိုးစုံပဲ။ အချိုအမွှေး အလှအပတွေစားချင်ရင် မျိုးကောင်းသစ်ကောင်းကို စိုက်ထားကြဖို့လိုပါတယ်။

>>>ဆက်လက်ဖတ်ရှုရန်>>> >>

သီလ

သီလကို မြေနှင့်ဥပမာပြုထားတာဖတ်ဖူးတယ်။ မြေပေါ်မှာ အရာအားလုံးရပ်တည်ရှင်သန်ရသလို သီလပေါ်မှာ ကောင်းမြတ်တဲ့ဂုဏ်တွေအားလုံး ဖြစ်တည်ပေါက်ရောက်ရတာပါတဲ့။ ကိုယ်ကျင့်နှုတ်ကျင့်သီလမကောင်းဘဲ ဘယ်လိုရွှေငွေရတနာ ရာထူးဂုဏ်ထူးတွေကမှ လူတစ်ယောက်ကို အဆင့်မှီလူသူတော်ကောင်း လူကြီးလူကောင်းအဖြစ်မလုပ်ပေးနိုင်ပါဘူး။ သီလမြေမရှိဘဲ ဘယ်လိုကောင်းမြတ်မှုတွေ ဘယ်လိုအဆင့်မြင့်မှုတွေကမှ ပေါက်ဖွားကြီးထွားနိုင်မှာမဟုတ်တော့ လူတိုင်းသီလမြေကောင်းမြေသန့်တွေ ပိုင်ဆိုင်မွေးမြူထားကြပါစေကြောင်း ဆုတောင်းလိုက်ရပါတယ်။

>>>ဆက်လက်ဖတ်ရှုရန်>>> >>

ဒါန

လူတွေက အဆင့်မြင့်တရားတွေကို ပါးစပ်က မချတမ်းပြောနေကြတာ။ တကယ်တော့ လူရောနတ်ရော တိရိစ္ဆာန်ကော လုပ်နိုင်တဲ့ဒါနပြုဖို့ကျတော့ လက်တုန်ခြေတုန် အကြောဆွဲငှက်ဖျားတက်နေပြန်ရော။

>>>ဆက်လက်ဖတ်ရှုရန်>>> >>

မျက်ကန်းမထေရ်

ဘုရားလက်ထက်တော်အခါတုန်းက ရဟန်းတစ်ပါးဟာ ရဟန္တာဖြစ်တဲ့ညမှာပဲ မျက်စိကန်းသွားခဲ့တယ်။ သူ့ရဲ့ အတိတ်ဘ၀က မိန်းမတစ်ယောက်ကို မျက်စိကန်းအောင်လုပ်ခဲ့လို့တဲ့။ မျက်စိအကြွေးဆပ်သွားတာပေါ့။ လောကမှာ ငွေအကြွေးယူရင် ငွေပြန်ဆပ်ရသလို ကံကြွေးတွေယူထားရင်လဲ ကံကြွေးတွေ ပြန်ဆပ်ရမှာပါပဲ။ ကံအဆိုးအကြွေးတွေ များများယူထားသူမဖြစ်အောင် ကံကောင်းတွေလုပ်ရင်းနဲ့ ကံအဟောင်းတွေကို အကောင်းဖြစ်အောင်လုပ်နေကြဖို့ လိုအပ်ပြန်ပါသကောလား။ ကိုယ့်ကံနဲ့ကိုယ် ကိုယ့်ဘ၀နဲ့ကိုယ်ဗျနော်။

>>>ဆက်လက်ဖတ်ရှုရန်>>> >>

ဆင်နဲ့မျောက်

တောရဆောက်တည်နေတဲ့မြတ်စွာဘုရားကို ပါလိလေယျကဆင်နဲ့ မျောက်တစ်ကောင်က တတ်နိုင်သမျှ ပြုစုလှူဒါန်းကြတဲ့အကြောင်းကို စာထဲမှာ ဖတ်ဖူးတယ်။ တိရိစ္ဆာန်တွေတောင် ဘုရားကို ဘုရားမှန်းသိပြီး ပူဇော်နိုင်သေးရင် လူတွေက ဘာလို့ မပူဇော်နိုင်ဘဲ ရန်ပြုနေရမှာပဲ။ ဘုရားတရားသံဃာဆိုတဲ့ရတနာသုံးပါးကို ရတနာမှန်းသိပြီး ကုသိုလ်ရတနာများစွာအတွက် ပူဇော်နိုင်ဖို့ ပူဇော်နေဖို့ လိုအပ်ပါတယ်။

>>>ဆက်လက်ဖတ်ရှုရန်>>> >>

ပုတ်သင်ညိုများ

ဝိဒေဟရာဇ်မင်းရဲ့ပုတ်သင်ညိုက ငွေတစ်ပဲရလို့ မာနတက်သတဲ့။ သခင်ကို အာခံသတဲ့။ အလေးမပြုဘူးတဲ့။ လူတွေလဲ တစ်ခုခုရရင် တစ်ခုခုဖြစ်လာရင် ဒီလိုပဲ ဘ၀မေ့အသိပျောက်သွားကြတာပဲလား။ ဘ၀င်မြင့်ရူးသွားတာပဲလား။ ဒါဆိုရင် လူတွေလဲ ပုတ်သင်ညိုဖြစ်သွားတာပဲပေါ့

>>>ဆက်လက်ဖတ်ရှုရန်>>> >>

ဒါန

လူတစ်ချို့က ဒါနကို အထင်သေးကြသတဲ့။ သီလကို အောက်တန်းစားလို့ထင်မှတ်ကြသတဲ့။ သမထဘာဝနာကို ဘုရားဟောမဟုတ်သလို ပြောဆိုနေကြသတဲ့။ တကယ်တော့ ဒါနဆိုတာ ဘုရားအလောင်းတော်တို့ ဖြည့်ကျင့်ဆည်းပူးရတဲ့ ပါရမီတော်ဆယ်ပါးမှာ ပထမဆုံးကျင့်စဉ်တော်မြတ်ဖြစ်ပါတယ်။ စေတနာများရင် အကျိုးပေးများပြီး ဥာဏ်ပါတဲ့စေတနာဆိုရင် ဥာဏ်ပါတဲ့ အကျိုးတွေ ပေးပါတယ်။ ဘုရားလက်ထက်တော်တုန်းက အရှင်မဟာမောဂ်ဂလာန်မထေရ်က နတ်ပြည်တက်ပြီး နတ်သားနတ်သမီးတွေကို သူတို့ရဲ့ ရှေးကုသိုလ်တွေမေးတော့ ဒေါသမထွက်အောင်ထိမ်းခဲ့လို့၊ ကြံတစ်ချောင်းလှူခဲ့လို့၊ တည်သီးတစ်လုံးလှူခဲ့လို့၊ သခွါးသီးတစ်လုံးလှူခဲ့လို့၊ ဖက်သက်သီးတစ်လုံးလှူခဲ့လို့၊ တမာရွက်တစ်ဆုပ်လှူခဲ့လို့ နတ်ပြည်ရောက်ပါတယ်လို့ ဖြေကြသတဲ့။ လှူဖွယ်ဝတ္ထုရှိတာလေးတွေကို အလှူခံတွေနဲ့ တွေ့ကြုံလာရင် တတ်စွမ်းသမျှ စေတနာဗရဗွနဲ့ လှူဒါန်းပူဇော်ကြမယ်ဆိုရင် လောဘကိလေသာကို သတ်ပြီးသားဖြစ်သလို သံသရာခရီးအတွက်လဲ အထောက်အပံ့ကောင်းတွေ အများကြီးရမှာပါ။ ပုညာနိ ပရလောကသ္မိံ ပတိဋ္ဌာ ဟောန္တိ ပါဏိနံ= ကုသိုလ်ကောင်းမှုဆိုတာ သံသရာခရီးသွားတွေအတွက် ထောက်တည်မှီခိုအားထားရာအစစ်ဖြစ်တယ်လို့ ဘုရားရှင်ဟောထားတာရှိတယ်မို့လား။ ဒီဘ၀ဖြစ်စဉ်တွေကြည့်ပြီးတော့ ဘ၀ဆက်တိုင်း မီလျံနာ ဘီလျံနာ ထရီလျံနာဖြစ်အောင်၊ မီလျံနာ ဘီလျံနာ ထရီလျံနာဖြစ်ပြီးတော့ လောကကောင်းကျိုး အမျိုးချမ်းသာရေး ပေးလှူထောက်ပံ့ပူဇော်နိုင်တဲ့ သူတော်ကောင်းကြီးတွေ ဖြစ်ဖို့အတွက် တစ်ယာကွမ်းဆေး ရေအေးတစ်ခွက် ဆီတစ်စက်နှင့် လက်ဖက်တရိုး ကြံတချိုးမျှ မြတ်နိုးကြည်ဖြူ ဥာဏ်ပါတဲ့စေတနာထားပြီး အမြဲလှူဒါန်းနိုင်အောင် ကြိုးစားကြဖို့ လိုအပ်ပါကြောင်း

>>>ဆက်လက်ဖတ်ရှုရန်>>> >>

ကံ

ကံအကြောင်းကို လူတွေက နားလည်တယ် လွယ်တယ်လို့ ထင်နေကြတာရှိပါတယ်။ ဘယ်လိုကံတွေက ဖြစ်စေခြင်း ထောက်ပံ့ခြင်း နှိပ်စက်ခြင်း သတ်ဖြတ်ခြင်း ကိစ္စများကို လုပ်နေတယ်ဆိုတဲ့ ကံရဲ့ ကိစ္စလေးမျိုးကို သိနားလည်ဖို့ ခက်ခဲပါတယ်။ သတ္တ၀ါတစ်ယောက်မှာ ကံလေးမျိုးရှိရင် သေတဲ့အခါမှာ ဂရုကကံ အကျိုးပေးလှည့်ရောက်တယ်။ ဂရုကကံမရှိရင် အာသန္နကံ၊ အဲ့ဒါမရှိရင် အာစိဏ်ဏကံ၊ အဲ့ဒါ မရှိရင် ကဋတ္တာကံအကျိုးပေးလှည့်ရောက်တယ်။ ဒီလိုအကျိုးပေးအလှည့်အစဉ်အားဖြင့် ကံလေးမျိုးသဘောတရားကိုလဲ သိနားလည်ဖို့ ခက်ခဲပါတယ်။ အကျိုးပေးရာကာလအနေနဲ့လဲ ဒီဘ၀အကျိုးပေး၊ နောက်ဘ၀၊ တတိယဘ၀မှ နိဗ်ဗာန်ရသည့်အချိန်ထိ၊ ပြီးတော့ လုံးဝအကျိုးမပေးသောကံရယ်လို့ အကျိုးပေးရာကာလနှင့်ပတ်သက်ပြီး ကံလေးမျိုးသဘောတရားမှာလဲ သိနားလည်ဖို့ ခက်ခဲပြန်ပါတယ်။ အကုသိုလ်ကံ၊ ကာမ၀စရကုသိုလ်ကံ၊ ရူပါဝစရကုသိုလ်ကံ၊ အရူပါဝစရကုသိုလ်ကံရယ်လို့ အကျိုးပေးရာဘုံဌာနနဲ့ပတ်သက်ပြီးလဲ ဘယ်သူတွေများ ဘယ်လောက်သိပါသလဲ။ လက်ရှိရနေတဲ့ ခန်ဓာကိုယ်နဲ့ တွေ့ကြုံခံစားနေရတဲ့ အကောင်းအဆိုးအကျိုးမျိုးစုံကိုကော ဘယ်ဘ၀က ပြုခဲ့တဲ့ ဘယ်လိုကံတွေက ဘယ်လိုအကျိုးပေးနေတယ် ဘယ်လိုအကျိုးပေးအုံးမယ် အကျိုးမပေးတော့ဘူးဆိုတာကော ဘယ်ရွှေဥာဏ်ရှင်ကများ အတိအကျသိပါသလဲ။ ဒီနေ့လုပ်တဲ့ ကုသိုလ်အကုသိုလ်ကံတွေဟာ ဘယ်လောက်ရှိတယ်၊ ဘယ်အချိန် ဘယ်ဘ၀ ဘယ်ဘုံမှာ အကျိုးပေးမယ် အကျိုးမပေးဘူးဆိုတာကော သိကြပါရဲ့လားခင်များ။ ဒါကြောင့်မို့ ဘုရားရှင်ရဲ့ ပြိုင်ဘက်ကင်းမဟာဥာဏ်တော်မှာ အတိတ်အနာဂတ်ပစ္စပ္ပန်ကံတွေရဲ့ အကျိုးပေးပုံမျိုးစုံကို အမှန်အတိုင်းသိတယ်ဆိုပြီး မဟာဥာဏ်တော်တစ်ပါးအဖြစ်ပူဇော်ရတာပါ။ တကယ်တော့ ကံအကြောင်းကို ဘုရားရှင်ပဲ အကုန်သိ အမှန်သိနိုင်တာကလား။ခက်ခဲနက်နဲသော မြတ်ဓမ္မများကို မထေမဲ့မြင်မပြုမိကြဖို့ မေတ္တာရပ်ခံလိုက်ရပါကြောင်းပါခင်များ။

>>>ဆက်လက်ဖတ်ရှုရန်>>> >>

ဆိုကရေတီးရဲ့ စကားတစ်ခွန်း

ဆိုကရေးတီး၏စကားတစ်ခွန်း
.........................................

တစ်ခါက ဆိုကရေးတီး၏ တပည့်တစ်ဦးသည် သူ့ထံသို့ ပြေးလာပြီး “ဆရာ ထင်မှတ်မထားတဲ့ သတင်းတစ်ခု ပြောပြချင်တယ်” ဟူ ပျာပျာသလဲပြောသည်။

ဆိုကရေးတီးက “ ခဏနေဦး....အခုပြောမယ့် စကားကို ဆန်ကာသုံးခုနဲ့ စစ်ပြီးပြီလား” ဆိုကရေးတီး၏ ဆိုလိုချက်ကို သဘောမပေါက်သော တပည့်မှာ ခေါင်းခါပြသည်။

ဆိုကရေးတီးက ဆက်၍ “တစ်ခြားလူကို မပြောခင် ဆန်ကာသုံးခုနဲ့ အရင်စစ်ရတယ်...ပထမ ဆန်ကာကို စစ်မှန်တဲ့ ဆန်ကာလို့ခေါ်တယ်။ ငါ့ကို ပြောမယ့် သတင်းက အမှန်လား”

“မှန်မမှန် ကျွန်တော်လဲ မသိဘူး....လူတွေပြောတာ ကြားလိုက်လို့”

“မှန်တယ် မမှန်ဘူးဆိုတာကို မသိရင် အဲဒီ သတင်းကို ဒုတိယဆန်ကာနဲ့ စစ်ကြည့်.... ငါ့ကိုပြောမယ့် သတင်းက အကောင်းလား”

“မဟုတ်ဘူး”

“ဒီလိုဆိုရင် တတိယဆန်ကာနဲ့ ပြန်စစ်ကြည့်... ငါ့ကို အရမ်းပြောပြချင်နေတဲ့ သတင်းက အရေးကြီးတဲ့ သတင်း လား”

“ မကြီးပါဘူး”

“အရေးမကြီးတဲ့ သတင်း နောက်ပြီး အကောင်းပြောမယ့် သတင်းလဲ မဟုတ်ပြန်ဘူး... သတင်းမှန် ဟုတ်လား မဟုတ်ဘူးလားဆိုတာလဲ မသိဘဲနဲ့ ဘာလို့ ပြောပြချင်ရတာလဲ... ပြောပြန်ရင်လဲ စိတ်အနှောင့်အယှက်ဖြစ် တာပဲ အဖတ်တင်မယ်။ မဟုတ်မမှန်ပြောတတ်တဲ့ လူတွေရဲ့ စကားကို မယုံနဲ့ ဖြားယောင်းသွေးဆောင် သူတွေရဲ့ စကားတွေ နားထဲ မ၀င်စေနဲ့။ သူတို့ဟာ စေတနာပါလို့ ပြောတာထက် သူတစ်ပါးကို ချောက်တွန်းဖို့က များတယ်။ အဲဒီလို လူမျိုးနဲ့ပေါင်းရင် တစ်နေ့ကိုယ်လည်း ချောက်တွန်းခံရတတ်တယ်။ ဒါကြောင့် ကိုယ်ပြောမယ့် စကားကို ဆန်ကာသုံးခုနဲ့ အရင်စစ်ဆေးသင့်တယ်”

အတင်းဆိုတာ ထက်မြက်တဲ့ ဓားသွားထက် ကြောက်ဖို့ကောင်းတယ်။ လူတစ်ယောက် ကို ဒဏ်ရာဒဏ်ချက် မမြင်စေဘဲ ထိခိုက်နိုင်တယ်။ တစ်ခြားလူ ထိခိုက်မှ ရလာမယ့် ပျော်ရွှင်မှုမျိုးကို တစ်ချို့က နှစ်သက် တတ်ကြ တယ်။ စကားကို လူတိုင်းပြောတတ် တယ်။ ဒါပေမယ့် စကားကောင်း တွေကို လူတိုင်း မပြောတတ်ကြဘူး။

မှတ်သားသင့်လို့ မျှဝေပါသည်။
ညိုလင်းထွဏ်း
(9-5-2013)

Career Hope Opportunity -CHO

Lik

>>>ဆက်လက်ဖတ်ရှုရန်>>> >>

ညနက်နက်

တဂိုးကဗျာတစ်ပုဒ်ထဲမှာရေးထားတာက "ဒါပေမဲ့ မေမေရယ်..ကျွန်တော့်ကြောင့်တော့ မေမေ ငိုမနေရပါဘူး။ ကျွန်တော်က ရာမမင်းသားလို တောထဲလိုက်သွားတာ ဆယ့်လေးနှစ်လုံးလုံးကြာမှ ပြန်လာမဲ့ လူစားမျိုးမဟုတ်ပါဘူး။ ကျွန်တော်က ပုံပြင်ထဲက မင်းသားလေးဖြစ်သွားမှာဗျ။ ကျွန်တော့်လှေပေါ် ကျွန်တော် ကြိုက်တာ တင်သွားမှာ" တဲ့။ အဲ့တုန်းက ကျွန်တော့်ရွာလေးမှာ မီးမရသေးဘူး။ ခုလဲ မရသေးပါဘူး။ စာသင်ကျောင်းပေါက်စလေးလဲ ယိုင်နဲ့နဲ့။ ကျောင်းသားကျောင်းသူတွေရဲ့ ဘ၀လဲ တုန်ချိချိ။ ဆရာမက အိမ်စာလုပ်ဖို့ ပေးလိုက်ရင် မီးမဲ့ဘ၀တွေဆိုတော့ ဘယ်နှယ့်လုပ်ပြီး တွက်ရပ။ ချက်ရပ။ ရေနံဆီဆိုတာလဲ အရှားသားကလား။

ရာမမင်းသားလို တောထဲ လိုက်သွားတာမဟုတ်ပေမဲ့ မွေးကတည်းက တောကြားရောက်နေတော့ အမေငိုရသလို သားသမီးလူမမယ်လေးတွေလဲ မျက်ရည်ကျရတာပါပဲ။ တခြားနိုင်ငံတွေကတော့ လူရှိရင် မီးရှိရမယ်ဆိုပြီး လျှပ်စစ်မီး ထိန်ငြီးဝေလျှံနေပေမဲ့ ဗမာပြည်ရဲ့ တောရွာတွေမှာတော့ ဘ၀တွေမိုက်မဲ အိပ်မက်သေတွေ အေးခဲနေတာဆိုတော့ ရာမမင်းသားလို ဆယ့်လေးနှစ်နေပြီး ပြန်လာနိုင်မှာ မဟုတ်သလို ဘယ်တော့မှလဲ ဘ၀တွေ အိပ်မက်တွေ လန်းဆန်းနိုးထနိုင်တော့မှာ မဟုတ်ပါဘူး။ ညနက်နက်မှာ ဘ၀တွေ ပျက်နေတဲ့ မြို့သားမြို့သူတွေနဲ့စာရင်တော့ ညနက်နက်က နွားနဲ့ ဖက်ပြီး အိပ်မက်မက်နေသူတွေက မဆိုးတန်ကောင်းပါဘူးလို့ တွေးနေမိသေးတယ်ပေါ့။ ညနက်နက် လထွက်ထွက် လိပ်ပြာသန့်တဲ့ဘ၀ဖြစ်ဖို့ပဲ အရေးကြီးပါတယ်လေ။ ကိုယ့်လှေပေါ် ကိုယ်ကြိုက်တာတင်နိုင်ခွင့် ရွေးချယ်ခွင့်များများရှိပြီး ကောင်းမွန်လှပတဲ့ ရွေးချယ်မှုမျိုးကို ရွေးချယ်နိုင်ဖို့ လိုတာလဲ လူတိုင်းသိထားသင့်သပေါ့။

>>>ဆက်လက်ဖတ်ရှုရန်>>> >>